नेपाली हास्यव्यङ्ग्य अनलाइन पत्रिका

केशव ज्ञवाली ‘आगत’ :

फोहोर फाल्नका लागि
सहरको चोकचोकमा कन्टेनर थियो
तर
जो आउँथ्यो
सडकमा फोहोर फाल्थ्यो र
सरकारलाई खुब गाली गथ्र्यो ।

सडकको पेटीमा उभिएको
गुमनाम एउटा मान्छे सोच्दै थियो-
सहरमा घरैपिच्छे,
धरहरा र
चोकचोकमा
मान्छेहरूको भिड छ
तर
मान्छेभित्रको नागरिक मर्‍यो।

मन सफा र
सिपालु हुन्थ्यो भने
फोहोरबाट पनि
कसैको स्वागतमा
सुन्दर फूलहरू र
सोफा बनाउन सकिन्थ्यो तर
यहाँ सरकार सधैं
कुर्सीको खुट्टा समात्ने र
विपक्ष सधै
सरकारको खुट्टा तान्ने खेल खेल्छन् ।

०००
रुरुक्षेत्र, गुल्मी
हाल – सूर्यविनायक, भक्तपुर ।