केशव ज्ञवाली ‘आगत’तिरोहित देशभक्ति
आफ्नै देशका गद्दारहरू झन् धेरै छन् देशभित्र जसले पहिले विदेशीहरूसँग लड्न हामीलाई विदेशतिरै पठाए अहिले आफैँआफैँमा लडाउन विदेशीहरूलाई भित्र्याउँदै छन् देशभित्र !
केशव ज्ञवाली ‘आगत’ :
खै कसरी पो भन्नु
देशभक्तहरूको मन छ हामीसँग !
आफ्नै भूमि खोसियो, सिमा मिलाएनौ
जनतालाई भोक लाग्दा बीमा मिलाएनौ
निर्दोष थिए धेरै मारिनेहरू
तैपनि
उनीहरूको जिउने हक दिलाएनौँ !
भ्रष्टाचारका
साझेदारहरू धेरै छन् देशभित्र
तिनका पहरेदारहरू धेरै छन् देशभित्र
आफ्नै देशका
गद्दारहरू झन् धेरै छन् देशभित्र
जसले
पहिले विदेशीहरूसँग लड्न
हामीलाई विदेशतिरै पठाए
अहिले
आफैँआफैँमा लडाउन
विदेशीहरूलाई भित्र्याउँदै छन् देशभित्र !
भन्न त, गाउँलाई
समृद्धिले शहरसँग जोड्छौँ भन्यौँ
तर
न माटो मलिलो बनायौँ
न बाटो बलियो बनायौँ
मात्र सधैँ
कसैलाई सत्तामा उचाल्न र
कसैलाई सत्ताबाट खसाल्न
कहिले सत्ताका पछि लागेर धेरै उफ्रियो
कहिले विपक्षीको विरोध गर्दैमा जिन्दगी थच्चियो !
०००
रूरूक्षेत्र, गुल्मी
हाल- सूर्यविनायक, भक्तपुर ।
Subscribe
Login
0 Comments
Oldest
