नेपाली हास्यव्यङ्ग्य अनलाइन पत्रिका

उपेन्द्र पौडेल :

१.
ढाडे बिरालो भान्से भई रित्तो डाडू देखाउँछ
फोहोर गरेको छ चारैतिर तर झाडू देखाउँछ
खुवाएको छ भए जति आफू र आफन्तलाई
भोका नाँगालाई उसले रित्तो भाँडो देखाउछ ।

२.
आ-आफ्नै परिभाषा रटी बसेका छन
दाउ हेरी छिर्के हान्न, खटी बसेका छन्
आफू र आफ्नालाई भरिपूणर् पार्छन्
देशका लागि गर्छौं भनी, ढाँटि बसेका छन् ।

३.
देशमा पनि वातावरण कहाँ छ र बस्ने
बेरोजगार र अभावले चस्स चस्स डस्ने
सपनाहरू ठूला देख्दै विदेशतिर आइयो
नआउनु आएपछि यतै कम्मर कस्ने ।

०००
पोखरा-११, कास्की
हालः मेलबर्न, अष्ट्रेलिया ।