होम सुवेदीहाब्रो भरूँ
यसैले- आफ्नो गुण गाऊँ सबैतिरबाट उघाऊँ खादा माला लाऊँ सकेसम्म फुटाऊँ आफ्नाजति जुटाऊँ बाहिरी नाता टुटाऊँ आफू आफू मिलूँ बाँडी बाँडी खाऊँ बाँडी बाँडी खाऊँ ।
होम सुवेदी :
बेला यसै टर्ला
अर्कातिर सर्ला
पुरस्कार अन्त पर्ला
अरूका हातमा झर्ला
सचेत बन माथि
होस गर साथी
भरे गाल पर्ला
पुरस्कार अन्त सर्ला
बेलैमा बुद्धि आओस्
अर्काले सिन्को धरी नपाओस्
चाकरीमा सधैँ धाओस्
भाँडमा जाओस्
यसैले-
आफ्नो गुण गाऊँ
सबैतिरबाट उघाऊँ
खादा माला लाऊँ
सकेसम्म फुटाऊँ
आफ्नाजति जुटाऊँ
बाहिरी नाता टुटाऊँ
आफू आफू मिलूँ
बाँडी बाँडी खाऊँ
बाँडी बाँडी खाऊँ ।
०००
भद्रपुर, झापा
