नेपाली हास्यव्यङ्ग्य अनलाइन पत्रिका

रोहित दहाल :

लिपुलेकमा पाइला टेक्यो
दक्षिणको टाउकेले !
चुच्चे नक्सा फास्स फुस्स
कुर्सी पक्ड्यो लाउकेले !!

हिन्दू माहौल कैलाश दर्शन
दक्षिणको हुङ्कार !
स्वदेशीको चक्षु बन्द
लत्रिएछ फुङ्कार !!

चिनियाँले चुच्चे नक्सा
पारिदियो गायब !
दक्षिणलाई क्रुद्ध पार्न
कसले बोक्ने अयब ?

सगरमाथा आफ्नो पार्ने
दक्षिणको रहर !
अल्पमतमा होइएला कि
त्रास हरेक प्रहर !!

चामल, तेल, नुन कठै
दक्षिणकै भरमा !
खेतालाका तरकारी
सड्यो खेत घरमा !!

दशगजा मिची ल्यायो
दक्षिणको ठालुले !
स्वदेशीले किच्च गर्यो
पाउ टेक्यो तालुले !!

पानीमाथि आँखा गाड्यो
दक्षिणको टाउकेले !
राष्ट्रियता छयाल्लब्याल्ल
कुर्सी पक्ड्यो लाउकेले !!

०००
विराटनगर, मुनालपथ
हालः दुवाकोट, भक्तपुर