नेपाली हास्यव्यङ्ग्य अनलाइन पत्रिका

आर. आर. चौलागाईं :

पार्टी भनेको आखिरमा
भजनमण्डली रहेछ ।

नेताले बिरालोलाई बाघ भने पनि
हो भनेर ताली बजाउनुपर्ने रहेछ
नेताले बाघलाई बिरालो भने पनि
हो भनेर ताली बजाउनुपर्ने रहेछ ।

नेताले काँडालाई फूल भने पनि
हो भनेर ताली बजाउनुपर्ने रहेछ
नेताले फूललाई काँडा भने पनि
हो भनेर ताली बजाउनुपर्ने रहेछ ।

नेताले कालोलाई सेतो भने पनि
हो भनेर ताली बजाउनुपर्ने रहेछ
नेताले सेतोलाई कालो भने पनि
हो भनेर ताली बजाउनुपर्ने रहेछ ।

नेताले आचीलाई हलुवा भने पनि
हो भनेर ताली बजाउनुपर्ने रहेछ
नेताले हलुवालाई आची भने पनि
हो भनेर ताली बजाउनुपर्ने रहेछ ।

नेताले चोरलाई सज्जन भने पनि
हो भनेर ताली बजाउनुपर्ने रहेछ
नेताले सज्जनलाई चोर भने पनि
हो भनेर ताली बजाउनुपर्ने रहेछ ।

आफ्नो पार्टी सत्तामा भएको बेलामा
देश झलमल्ल भएको छ भन्नुपर्ने रहेछ
आफ्नो पार्टी सत्तामा नभएको बेलामा
देश अन्धकार भएको छ भन्नुपर्ने रहेछ ।

०००
२०८० असोज ३