नेपाली हास्यव्यङ्ग्य अनलाइन पत्रिका

डा.लोकेन्द्रप्रसाद पौड्याल :

छिद्र भाको नीतिनियम
सत्ता झल्याकझुुलुक
विद्युतिय गाडी पनि
तेल पिउने मुलुक

ईन्धनको सुविधाको
हाकिम परिस्थिति
लिटरको हिसावबाट
कुपन पाउने नीति

मौका पर्दा कुपन पनि
नगदमै साट्ने
मातहतका अड्डाबाट
तेल भर्न आँट्ने

सवैथरी गाडी प्रयोग
सरकारी कामका
परिवारै डुले पनि
कार्यालय नामका

गफगाफका ईमान्दारी
ध्यान गोजी भर्ने
बिद्युत गाडी चढे पनि
कुपन हात पर्ने

हरेकचोटि भाउ बढ्दा
जनतामाथि मार
हाकिमसाहव भने ढुक्क
निशुल्क सवार ॥

०००
काठमाडौं