नेपाली हास्यव्यङ्ग्य अनलाइन पत्रिका

बद्रीप्रसाद दाहाल ‘भस्मासुर’

हार्छन् न्याय सुसत्य याे मुलुकमा, अन्याय भाे जब्बर ।
याेध्दाका सपना हुँदैन विपना, पर्छन् सधैँ अक्कर ।।
देख्याैँ याे गणतन्त्रका नृप नयाँ, रानी – कुरानीहरू ।
सामन्ती अभिवृत्ति झन् सघन भै, फस्टाउँदै छन् बरू ।।

लाम्खुट्टे उपियाँ अरिङ्गाल अझै ड्याङ्गा र ठ्याङ्गा बनी ।
व्याधा शण्ड र मुण्ड छन् नृपहरू बाङ्गा र टिङ्गा धनी।।
काला शासक वा प्रशासक कयाैँ समृध्द सम्पन्न छन्।
मात्रै छन् जनता गरीब दुखिया तथ्याङ्क यै भन्दछन् ।।

टीकातन्त्र बढेर प्राज्ञ -क्षमता, झन्- झन् उखेल्दै गए ।
भाटै भाट र टाट बाैध्दिक यहाँ , प्रज्ञा सुसेल्दै भए ।।
नाता औ परिवार द्रव्य बलमा, भाले भराैटे बने ।
नाैलाे याे गणतन्त्रले मुलुकमा, जम्रा र किर्ना बढे ।।

०००
धादिङ