नेपाली हास्यव्यङ्ग्य अनलाइन पत्रिका

डा.लोकन्द्रप्रसाद पौड्याल :

काठमाडौंमा एन.आर.एन.को
बैठक सेरोफेरो
विवाद भयो छताछुल्ल
गर्दै तेरो-मेरो

मनमुटावले पारिदियो
भेटघाट नै मैलो
सम्मेलनको कार्यक्रममा
भयो भाँडभैलो

आपस बिच तँ तँ-म म
देखियो अचम्म
आस्चर्यको अवस्था यो
कुन हदसम्म ?

कतिसम्म गड्या होला
झगडाको प्यास ?
प्यास भित्र कति सम्भव
सहकार्य आस ?

स्वदेश विदेश राजनीतिमा
विकृतिको छायाँ
यस्तै प्रभाव कायम रहे
कसले गर्ला मायाँ ? ॥

०००
काठमाडौंं