नेपाली हास्यव्यङ्ग्य अनलाइन पत्रिका

छविलाल आचार्य :

गठबन्धनको, सरकार छ यो ।
किन चुम्बकको, दरकार भयो ?
न मिले पनि मिल्नुछ भाव यहाँ ।
नगरे नभने पनि लाभ यहाँ ॥१॥

किन्न तर्सनु खै ? अपराध गरे ।
छल कल्मसको मतियार परे ॥
जनका मनमा सब लाल छ यो ।
मतिको खतिको नवचाल छ यो ॥२॥

अब दौड यहाँ छल लिग्लिगको ।
लुट तस्करको झन बिग्बिगको ॥
किन साँढ जुधे किन बाँध फुटे ?
सब ध्वस्त अझै ईष त्यो नटुटे ॥३॥

नगरे नहुने जब हुन्छ कुरा ।
विधिसम्मतमा जब चल्छ छुरा ॥
न त क्वै जनका मनमा छ पुरा ।
तब जङ्गलमा बस है बाबुरा ॥४॥

जन युद्ध गयो धन युद्ध भयो ।
मतिको गतिको अवरुद्ध भयो ॥
सब आस गयो, झन ह्रास भयो ।
जब पद्धतिको उठिबास भयो ॥५॥

०००
पोखरा १६, कास्की