तारा गाउँलेभर्याङ
मातेर सिद्धान्तको नसामा बेहोस् भइएछ घोचे पछि घोकाको सुईले झसङ्ग बिउझिँदा पो थाहा भयो ऊ चाहिँ सिंहदरवारमा आफूचाहिँ जीवनको कालो ओडारमा ।
तारा गाउँले :
उसले हाम्रो भोको पेट देखाउँदै भन्यो- 
किताब च्यात
च्यात्यौँ
कोदालो फ्याँक
फ्याँक्यौँ
सिंहदरबार देखाउँदै भन्यो
झोपडीमा आगो झोस
झोस्यौँ
अझ चर्को स्वरमा उसले भन्यो
बन्दुक बोक
बोक्यौँ
गोली ठोक
ठोक्यौँ
मातेर सिद्धान्तको नसामा बेहोस् भइएछ
घोचे पछि घोकाको सुईले
झसङ्ग बिउझिँदा पो थाहा भयो
ऊ चाहिँ सिंहदरवारमा
आफूचाहिँ जीवनको
कालो ओडारमा ।
०००
भक्तपुर
Subscribe
Login
0 Comments
Oldest
