साइबर अपराध सम्बन्धी सचेतना सामग्री

सबै बाँदरहरूको कल्याण होस् !

अब सबै मिलेर एउटा घोषणा गरौँ, बाँदर राज्यमा, रामराज्यको कुरा गरिने छैन ! बाँदरहरू नाङ्गो देखेर हाँस्न पाइने छैन ! एकआपसमा लुँछाचुँडी गर्न पाइन्छ ।

Nepal Telecom ad

सुभाषचन्द्र देवकोटा :

आउ हामी,
अमूल परिवर्तनको कुरा गरौँ,
नेपालको संमृद्धिको लागि,
अब बाँदर राज्य खडा गरौँ !

सबैभन्दा पहिले,
बाँदर राज्यको संविधान लेखौँ !
नीति, नियमको व्यवस्था गरौँ !
सडक र चोकहरूमा,
हनुमान चालिसा पाठ गरौँ !
बाँदरहरूको अधिकार कायम गर्न,
ध्वंशको रिहर्सल सुरु गरौँ !

बाँदर राज्यमा,
अड्डा, अदालतहरू बाँदरहरूले नै भरौँ !
यसो भएपछि,
न्यायधीश र वकिलहरू पनि,
बाँदरहरू नै हुने भए !
बरू, न्यायाधीश चाहिँ ,
नेता बाँदरहरूका हनुमानहरू नियुक्ति गरौँ !
वकिलहरू चाहिँ,
नेता बाँदरहरूको इसारा बुझ्ने चम्चे बाँदरहरू छनौट गरौँ !
बाँदर राज्यमा,
न्याय निरूपणमा कीर्तिमान राखौँ !

भन्सार र माल्दार अफिसहरूमा,
चोरेर खान सक्ने,
लुटेर ल्याउन सक्ने,
बलिया ढेँडु बाँदरहरूलाई हाकिम नियुक्त गरौँ !
तल माथि, दायाँ, बायाँ,
कुद्न सक्ने, बुर्कुसी मार्न सक्ने,
बाँदरहरूलाई कारिन्दामा नियुक्त गरौँ !
बाँदरहरूकै गीत गाऔँ !
हनुमान नाच नाचौँ !

बाँदरहरूको राज्यमा,
अब, बाँदरहरूकै राजनीतिक पार्टीहरू खोलौँ,
बुढा ढेँडु बाँदरहरूलाई नेता छानौँ !
छोरा, छोरी, ज्वाईं र श्रीमती बाँदरहरूलाई,
संासद, मन्त्री र राजदूतका पदहरू बाँडाैँ !
केही चम्चे बाँदरहरूलाई,
सिपाहीमा भर्ती गरौँ !
स्तुतिगान गर्न लगाऔँ !
सामन्तवादका सबै अवशेषहरू,
निर्मूल पार्दै,
बाँदर राज्यको जग बसालौँ !

अब केहि नसोचौँ,
बरु मुठ्ठी उठाऔँ !
जताततै बाँदरहरूको,
बिगबिगी बढेको बेला,
बाँदरहरूकै जय जयकार गरौँ !

अन्तमा,
अब सबै मिलेर एउटा घोषणा गरौँ,
बाँदर राज्यमा,
रामराज्यको कुरा गरिने छैन !
बाँदरहरू नाङ्गो देखेर हाँस्न पाइने छैन !
एकआपसमा लुँछाचुँडी गर्न पाइन्छ,
मिल्न पाइने छैन !
लुटेर खान पाइन्छ
श्रम गरेर खान पाइने छैन !
भत्काउन जति पनि पाइन्छ,
निर्माण गर्न पाइने छैन !

यति भएपछि,
सबैले एक स्वरमा भनौँ !
सबै बाँदरहरूको कल्याण होस् !
बाँदर राज्यको जय होस् !

०००
गोरखा, हाल- काठमाडौं

Subscribe
Notify of
guest

0 Comments
Oldest
Newest Most Voted
Nepal Telecom ad
कुकुरछाप कुकुर…..

कुकुरछाप कुकुर…..

सुभाषचन्द्र देवकाेटा
चोरमाथि चण्डाल

चोरमाथि चण्डाल

सुभाषचन्द्र देवकाेटा
प्रश्न गर्न मनाही छ…

प्रश्न गर्न मनाही छ…

सुभाषचन्द्र देवकाेटा
मौनताको आँधि

मौनताको आँधि

सुभाषचन्द्र देवकाेटा
मनको लड्डु …

मनको लड्डु …

सुभाषचन्द्र देवकाेटा
निरोको शहर…

निरोको शहर…

सुभाषचन्द्र देवकाेटा
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
0
Would love your thoughts, please comment.x
()
x