नेपाली हास्यव्यङ्ग्य अनलाइन पत्रिका

वसन्त अनुभव :

१.
खेतबारी एउटाको, जोत्ने चाहिँ अर्को,
बाली कस्को हो भन्ने, गाइँगुइँ छ चर्को ।

२.
कोसौँ दूर छ समुद्र, लागिसक्यो प्यास,
पानी किनी पिउँदैमा, के गल्ती भो खास ?

३.
सबै आउँछन् लिई, नजरको बन्दुक,
जोगाउनै गाह्रो भो, जवानीको सन्दुक ।

४.
चाबी कहाँ पाउनु खै, खोल्नलाई ताला ?
खियाले खाने भो, खर्ल्यापखुर्लुप साला ।

५.
राख्दा राख्दा थोत्रो भयो, जिन्दगीको बस,
ओइलायो फूल पनि, सुकिसक्यो रस ।

०००
घोराही उपमहानगरपालिका १४, दाङ