नेपाली हास्यव्यङ्ग्य अनलाइन पत्रिका

गाेपेन्द्रप्रसाद रिजाल :

यहाँ सबैले
हारेजस्तो लाग्छ
ढाँटको भुँवरीमा
पारे जस्तो लाग्छ
डुक्रने
तर सिङ भाँचिएको गोरु
नारे जस्तो लाग्छ
खोइ
किन किन अचेल
माला र खादा ओडेको
नमस्कारमा
नेपालीको तिरस्कार
फारे जस्तो लाग्छ ।

यता खोज्यो
उता खोज्यो
दिउँसो भेटिँदैन
राती राती
कक्टेल बोल्दै
कक्टेल पार्टीको सितन
फेन्च फ्राइसँगै
देशललाई
तारे जस्तो लाग्छ ।

मुट्ठी उठुन् या
पन्जा फुकुन्
जनताललाई
हकारे जस्तो लाग्छ
दुखेसो सुन्दा
गोहीको आँसु झार्नेले
अदेखमा
देश र जनताको
पीडालाई
खकारे जस्तो लाग्छ ।
उफ !

०००

पाँचथर