नेपाली हास्यव्यङ्ग्य अनलाइन पत्रिका

घनश्याम रेग्मी :

मेरा प्यारा पर्देशमा क्यारी बस्छन् होला
मानो मुठी कमाउदै भर्छन् आफ्नो झोला
नभनेर दिनरात खियाएर नङ्ग्रा
साँझ पख मेरा प्यारा के गर्दैछन् होला ?

छैन आफ्नु चिनजान को होला र साथी
यतै रह्यो घरखेत बास आफ्नो थाती
दुखजिलो गर्दै उनले कमाउने कति
सम्झलान् कि मेरा प्यारा के गर्दैछन् होला ?

तातो चिसो जुटाएर कस्ले खान देला
के भयो र भनी सोध्ने कोही छैन होला
दुई गाँस ज्यादा भा नि थपि खान दिने
हिजो थाके आज काममा क्यारी जान्छन् होला ?

लाग्दो होला भोक तिर्खा माया हामी सबको
सम्झना नि आउँदो होला खेली खाको देशको
फर्की आऊ क्यारी भनूँ नतिरेर ऋण
ऋण तिरेर घर हाल्ने के सोच्दैछन् होला ?

चुरा डोरी टीका पोते किनी ल्याउँछु भन्थे
चप्पल र मजेत्राको रङ्ग साईज सोध्थे
बावु नानी इष्ट मित्र सबलाई सम्झनु छ
झोला भरि लिई प्यारा कहिले आउछन् होला ?

०००

बैजनाथ -१, चिसापानी, बाँके