नेपाली हास्यव्यङ्ग्य अनलाइन पत्रिका

डा. लोकेन्द्रप्रसाद पौड्याल :

आएकाथे अनेक नेता
उम्मेदवार बन्न ।
चुनावमा सकेसम्म
मत बटुल्न टन्न ॥

हरेकले भनेकाथे
यसोउसो गर्छु ।
त्यसैमाथि नयाँ भन्थे
पुरै लागि पर्छु ॥

कोहि दिन्थे आश्वासन
समृद्धिले भर्छु ।
पुरानो खेल खेल्दिन म
नयाँ कुरा गर्छु ॥

केहि थान नयाँले नि
चुनाव जिती आए ।
जनतामा आशा थप्न
स्वत सलबलाए ॥

अहिले तिनै भन्न थाले
चौरासीमा गर्छु ।
किन होला यस्तो भन्या
म त छक्क पर्छु ॥

पाँचवर्षको अवधि त
त्यत्ति सानो हैन ?
यो पटक चैँ के गर्ने हो ?
जानकारि छैन ॥

चुनावमाथि चुनाव पर्खी
कति आस गर्नु ?
“भोलि” भन्ने नेतासँग
कत्तिको भर पर्नु ?

०००
काठमाडाैं