होम सुवेदीह्वाँलाई
मरेको बाँचेको रुँग्नुहुन्छ वजन परैबाट सुँघ्नुहुन्छ दुनियाँको कुनामा पुग्नुहुन्छ कतै झुक्नुहुन्छ कतै थुक्नुहुन्छ कतै भुक्नुहुन्छ अरुले खाइदेला भनेर धेरैतिर ढुक्नुहुन्छ ।
होम सुवेदी :
ह्वाँलाई भ्याइनभ्याइ छ
दुनियाँमा ह्वाँको हाइहाइ छ
राम्रै कमाइ छ
राम्रै खेला छ
गतिलो भेला छ
उठ्तीपुठ्तीको बेला हो
ह्वाँलाई भ्याइनभ्याइ छ
राम्रो कमाइ छ ।
हिजो उता उठाउनु भो
आज यता उठाउनु भो
नठान्नू कतै जुठ्याउनु भो
नठान्नू कतै चुठाउनु भो
नठान्नू आफन्तलाई जुटाउनु भो
नठान्नू कतै फुटाउनु भो
यसैले
ह्वाँलाई भ्याइनभ्याई छ
ह्वाँको हाइ हाइ छ ।
झिँगे माछो पक्डनु हुन्छ कतै
झिँगा टिप्नु हुन्छ कतै
स्याउ टिप्नुहुन्छ कतै
अनार टिप्नुहुन्छ कतै
फलेका छन् लटरम्म जताततै
ह्वाँकै हाइहाइ छ
ह्वाँलाई भ्याइनभ्याइ छ ।
मरेको बाँचेको रुँग्नुहुन्छ
वजन परैबाट सुँघ्नुहुन्छ
दुनियाँको कुनामा पुग्नुहुन्छ
कतै झुक्नुहुन्छ
कतै थुक्नुहुन्छ
कतै भुक्नुहुन्छ
अरुले खाइदेला भनेर
धेरैतिर ढुक्नुहुन्छ
निःस्वार्थी देखाउन
भित्रभित्र लुक्नुहुन्छ
ह्वाँकै हाइहाइ छ
ह्वाँलाई भ्याइनभ्याइ छ ।
०००
भद्रपुर, झापा
Subscribe
Login
0 Comments
Oldest
