मीनप्रसाद लामिछानेम इतिहास हुँ यो देशको !
सदियौँदेखि द्वेष, विभाजन वा फुट दल, त्यसभित्र गुट अनि उपगुट र, धोका, बेइमानी वा झुटको खेतीमा रमाउने म कटु इतिहास हुँ यो देशको !
मीनप्रसाद लामिछाने :
किसान हकअधिकारका कुरा गर्ने
भीमदत्त पन्तको टाउको काट्ने
विदेशमा कमाएको रेमिटेन्स विदेशीसँग अन्नमा साट्ने
र, आफूलाई ‘कृषि प्रधान देश’ भनेर कहिल्यै नथाक्ने
म कटु इतिहास हुँ यो देशको !
जङ्गबहादुरहरूको जय गाउने
भीमसेन थापाहरूले चैँ सजाय पाउने
अनि शहीद र शहीद बनाउनेहरूलाई एकसाथ माला लाउने
म कटु इतिहास हुँ यो देशको !
राष्ट्रियता र जनजीविकाको भर्याङ चढेर सत्तामा जाने
आफ्ना आसेपासेहरू समेतलाई छानी छानी लाने
र, मिलाएर आलोपालो यो देशको सर्वश्व खाने
म कटु इतिहास हुँ यो देशको !
सदियौँदेखि द्वेष, विभाजन वा फुट
दल, त्यसभित्र गुट अनि उपगुट
र, धोका, बेइमानी वा झुटको खेतीमा रमाउने
म कटु इतिहास हुँ यो देशको !
निमुखा जनतालाई वर्गीय मुक्तिको पाठ पढाउने
अनि क्रान्तिका नाउँमा बारबार तिनकै बलि चढाउने
र, तिनकै लासमाथि आफ्नो महल ठड्याउने
म कटु इतिहास हुँ यो देशको !
०००
मैले जिउन जानिनँ (२०७८)
Subscribe
Login
0 Comments
Oldest
