नेपाली हास्यव्यङ्ग्य अनलाइन पत्रिका

खोलाघरे साहिंलो :

हा यो दारुण कृत्य भो अति भयो गाह्राे भयो सम्झिन
नानी शालिन मारिइन् अधमले ल्याए बडो दुुर्दिन
यो कालो इतिहास लेखिन पुुग्यो सीमान्त दुुर्दान्त छ
रोयो मानवता कलङ्क छ दिगो धिक्कार सर्वत्र छ ।

खा पापी खल, नीच खा अझ अरू छोरीहरू खा,अघा
खा आमा, बहिनी, दिदी जति सबै मारेर तारेर खा
नारीको तन खा, र रक्त पिउँदै चीत्कार खा, आँसुु खा
खा लौ सिर्जनस्रोत नै सिरिखुरी यो सृष्टि सम्पूर्ण खा ।

जो जो छन् मतिहीन, दुुष्ट सब नै सर्कार जोगाइदे
मारून् शालिन, निर्मला अधमले उत्साह, नारा तँ दे
नारीमाथि कुकर्म जेजति चलून् आँखा सधैं चिम्लिदे
पार्दै नर्क समाज स्वर्ग छ भनी रङ्गाइदे, छापिदे ।

मारिन्छन् अबला बलात्कृत हुुँदै जारी छ यस्तै क्रम
छन् पार्टी सरकार ढाँट छलमा उम्दा बडा सक्षम
पार्टी वा गणतन्त्रको छ नतिजा यस्तै सधैं देखियो
चिच्याए पनि साध्य हुन्न कहिल्यै जे देखियो लेखियो ।

नानी शालिनमा छ शुद्ध मनको श्रद्धाञ्जली अर्पण
पाऊन् न्याय छिटै विरेचित बनून् हाम्रा दुखेका मन
पापी जो नर झट्ट दण्डित बनून् विश्वास होस् न्यायमा
यस्ता नीच कुकर्मका प्रति कसै, कोही नराखौं क्षमा ।

०००
काठमाडाैं