तीन ठोक्तक
आवेशमा आएँ भने, नतिजा भयानक हुन्छ निर्धामाथि अत्याचार नदेखाउनुस् न ए हजुर.?
रेहित सैजु :
१.
आफूमाथि बज्रपात खस्न लाग्दा पनि चिन्ता छैन
इमानमा कालो दाग बस्न लाग्दा पनि चिन्ता छैन
भन्न त भन्थे भेडा हुन्, बोल्न जान्दैनन्, सोझा छन्,
कठै ! खोरमा हुँडार पस्न लाग्दा पनि चिन्ता छैन ।
२.
धेरै यो अहङ्कार नदेखाउनुस् न ए हजुर ?
हद हुन्छ लगातार नदेखाउनुस् न ए हजुर ?
आवेशमा आएँ भने, नतिजा भयानक हुन्छ
निर्धामाथि अत्याचार नदेखाउनुस् न ए हजुर.?
३.
धैर्यताको बाँधलाई नढलाउनुस् महोदय
मेरो आत्मविश्वास, नगलाउनुस् महोदय
भनेको छु मेरो रिस झिल्को बराबरको छ
पटकपटक यसलाई नचलाउनुस् महोदय ?
०००
रामेछाप, हाल कलङ्की