नेपाली हास्यव्यङ्ग्य अनलाइन पत्रिका

हेमराज पन्त :

कुहेत्रो सबै आलु देखिन्न ताजा ।
छ दुर्गन्ध साह्रै उडी दूर जाजा ॥
दिवा साँझ खेल्दै बसेको छ पासा ॥
बढेको छ चौतर्फ निराशै निराशा ॥१

सबै खेल खेल्ने सबै जाल हान्ने ।
कठै!के गरी राष्ट्रको श्वास धान्ने ॥
चितामा सुतेको थियोे देश सारा ।
छुबे देश डुब्ने म माझी किनारा ॥ २

सधैँ गीत नौलो बसे क्रोध पाली ।
खरानी न बेचौँ यहाँ राष्ट्र बाली ॥
फलेको छ नारा हजारौँ र लाखौँ ।
पुरै देश बोकी कहाँ आज भागौँ ॥ ३

उचा शैल पाखा तरेली झरेका ।
नदीले यहाँ आँसु आँखा भरेका ॥
सबै देश बेची,बचेको छ आली ।
बसे भावना,आँसु जम्मै पखाली ॥४

०००
कैलाली