डा. लोकेन्द्रप्रसाद पौड्यालअर्काको छोरो
किन यस्तो विभेदग्रस्त मानिसको जात ? उसले “हामी” भन्दापनि मालिक हुन्न साथ सिद्धान्त भन्नुुपर्दा मान्छे बराबरी तर ऊ चैँ पराई रे व्यवहार अर्कोथरी ॥
डा. लोकेन्द्रप्रसाद पौड्याल :
घरायसी कामको बोझ
काँँधमा एकोहोरो
नाई भन्न नपाउने
ऊ अर्काको छोरो ।
मालिक पुत्र स्कुल जाँदा
उसको झोला बोक्छ
मौकापर्दा फाट्टफुट्ट
उसकै होमवर्क घोक्छ ।
मालिक पुत्र मोबाइल खेल्छ
ऊ हेरेर बस्छ
उसको पनि रहर होला
तर मन कस्छ ।
ऊ भोकाए घरैभित्र
कसाैँडी भात कुर्छ
मालिक पुत्र भोकाएमा
फास्ट फुडमा दगुुर्छ ।
बरालिन्छ मालिक पुत्र
ध्यान दिँदैन पढ्न
त्यही मौका उसले पाए
सक्थ्यो अघि बढ्न
घरको कामको सहयोगी
ऊ अर्काको छोरो
कति थकित हुुँदोहोेला
खट्दा एकोहोरो ?
ढिलो भए वचन खान्छ
“काम गर्दैन मोरो”
किताब छुुन पाउँदैन
ऊ अर्काको छोरो ।
किन यस्तो विभेदग्रस्त
मानिसको जात ?
उसले “हामी” भन्दा पनि
मालिक हुन्न साथ ।
सिद्धान्त भन्नुुपर्दा
मान्छे बराबरी
तर ऊ चैँ पराई रे
व्यवहार अर्कोथरी ॥
०००
काठमाडौं
