मरुभूमि नारायणठूलो माछा पहेंलै भाछ सुन निलेर होला
माछा भ्याकुता सर्प सखाप पार्नै पर्छ यो देशमा महलबाट ती ठूला माछा भुइँमा झराए साथी हो ।
मरूभूमि नारायण :
पानी पऱ्यो खोलो सुक्यो माछा हराए साथी हो
दायाँबायाँ रमिता हेर्ने भ्याकुता डराए साथी हो ।
ठूलो माछा पहेंलै भाछ सुन निलेर होला सायद
गोठालो भैंसी चोरहरू जोडले कराए साथी हो ।
भ्रष्टहरू उपरखुट्टी लाउँदा को खुशी नहोला खै
दुई दिने हिरोलाई मान्छेले मन पराए साथी हो ।
खानुसम्म खाए देशै कङ्गाल बनाए अपराधीले
खाको अनि पचाको वाक वाक गराए साथी हो ।
माछा भ्याकुता सर्प सखाप पार्नै पर्छ यो देशमा
महलबाट ती ठूला माछा भुइँमा झराए साथी हो ।
कति आनन्द हुन्छ होला त्यो कालो कोठरीभित्र
जे होस् मुर्गालाई स्वर्गको यात्रा गराए साथी हो ।
०००
तनहुँ
Subscribe
Login
0 Comments
Oldest
