नेपाली हास्यव्यङ्ग्य अनलाइन पत्रिका

शम्भु जमरकट्टेल हेदाङ्ने :

घोषणा, नीति तथा कार्यक्रमको काम छैन,
लागुहुन्छ भन्ने रतिभर ठाउँ छैन ।
प्रजातन्त्रको घोषणा भयो,
लागू भएन ।

कर्मचारी र नेतातन्त्र पो लागु भयो ।
लोकतन्त्र र गणतन्त्रको घोषणा भयो,
लागू भएन ।

नेताहरू पो राजा जस्ता भए ।
फेरी, सुशासन, समृद्धि र समानताको घोषणा भयो,
लागू भएन ।

भ्रष्टाचार अझै बढ्यो,
गरिब र धनी बीचको खाडल अझै बढ्यो,
राजनीतिक नेतृत्व र शासकहरू व्यवस्थाले गर्दा उकालो लागे,
किसान मजदुर र कामदारहरू अवस्थाले गर्दा ओरालो लागे ।
अझै पनि शासकहरू गठबन्धनको घोषणा गर्छन् ।
जनताहरू काम खोज्न विदेशतिर सर्छन् ।
हाम्रो देशको घोषणा र प्रतिवद्धता देखाउँने दाँत मात्र हुन् ।
चपाउने त भ्रष्टाचार, कमिसन र सुनका पत्रहरू हुन् ॥

घोषणा, नीति र कार्यक्रमको काम छैन
लागु हुन्छ भन्ने रतिभर ठाउँ छैन ।

०००

काठमाडाैं