नेपाली हास्यव्यङ्ग्य अनलाइन पत्रिका

शम्भु जमरकट्टेल हेदाङ्ने :

देश जस्ताेसुकै हाेस्,
कानूनी व्यवस्था उत्तरकाेरियाकाे जस्ताे,
र नेता नेपालकै जस्ता भए,
देस कहाँ पुग्थ्याे हाेला ?
गमखान्छु…!
कतै पुग्दैन जस्ताे लाग्छ ।
नेता चाहिँ सत्ताकाे खेलमा हाेइन,
अपराधी बस्ने जेलमा पुग्थे हाेलान् ।

देश अमेरिका जस्ताे,
कानुनी व्यवस्था रसिया वा चाइनाकै जस्ताे भए,
नेपाली नेता कर्मचारीले के खान्थे हाेलान् ?
गमखान्छु….!
जुका जस्ता नेता र कर्मचारीले सकेसम्म,
घुस र कमिसन नै खान्थे ।
नसके चाहिँ तातागाेली खान्थे हाेलान् ।।

देश नेपाल नै हाेस्,
कानुनी व्यवस्था युराेपेली देशकाे जस्ताे भए,
नेता मान्छेकाे जस्ताे बुद्दि भएका भए,
लाेकतन्त्र आएकाे बीस वर्षपछि,
शिक्षा, स्वास्थ्य र राेजगारीका लागि,
नेपालीले विदेश जानु पर्ने अवस्था पक्कै हुँदैनथियाे हाेला ।

विधिकाे बिडम्वना,
बाँदरजस्ता नेताले बीसवर्षे तन्नेरी लाेकतन्त्र,
अझै पनि नरिवल झैँ खेलाई रहेका छन्,
खेलाई मात्र रहेका छन् ।
नरिवल धनीहरू,
बाँदरका हातकाे नरिवल हेरेझैँ,
ट्वाल्ल परेर लाेकतन्त्रकाे,
वेहाल हेरिरहेका छन् ।
कठैवरा नेपाली लाेकतन्त्र…।
आज बाँदरका हातकाे नरिवल भएकाे छ ।

०००
काठमाडाैं