नेपाली हास्यव्यङ्ग्य अनलाइन पत्रिका

शम्भु जमरकट्टेल हेदाङ्ने :

जब नेता लाखा पाखा भए,
जनता सवै सडकमा गए,
लाठी-मुक्का गाेली खाए,
निरुङ्कुश सत्ता पल्टाए,
नेता दुलाबाट फुत्त आए,
सत्ता च्याप्प समाए,
जनताले समर्थनमा ताली बजाए ।

नेताले मिठाे सपना सुनाए,
दसवर्षमा सिङ्गपुर पुर्याए,
लाेकतन्त्रका जुङ्गा पलाए,
युवा नेताले कपाल फुलाए,
गठबन्धन गरे, लुटबन्धन चलाए,
देश र अर्थतन्त्र गाेलमाल बनाए ।
जनतालाई कङ्गाल बनाए,
बुढा नेता दङ्दङी गनाए ।।

वा ! हाम्राे लाेकतन्त्र ?
देस फेल, नेता पास,
विध्यार्थी फेल, शिक्षक पास,
नागरिक फेल, कर्मचारी पास,
कानुन फेल, न्यायलय पास,
उधाेगधन्दा फेल, उधाेगपति पास,
राेजगारी फेल, घुष पास,
युवा फेल, खाडि पास,
लास फेल, रेमिटेन्स पास,
सम्विधान फेल, प्रदेश सरकार पास,
देस फेल, नेता पास ।

वा ! हाम्राे लाेकतन्त्र ?
नेताकाे जाेकतन्त्र,
पुलिसकाे ठाेकतन्त्र,
नागरिककाे भाेकतन्त्र ।
पास शिक्षक नेता हुने
फेल विध्यार्थी झाेले हुने,
झाेले शिक्षक के हुने ?

०००
काठमाडाैं