नेपाली हास्यव्यङ्ग्य अनलाइन पत्रिका

शम्भु जमरकट्टेल हेदाङ्ने :

दुइहजार बयासी साल, भदाै तेइस गते
युवासँगै देश उठ्याे, सुनाउदैछु सत्य ।
गाेली चल्याे सत्ता ढल्याे, काेकाेहाेलाे पारे
स्कूल जाने बाल बच्चा, दुई दर्जन मारे ।

एउटा भन्थ्याे सिंहदरवार, जलाउनु पर्छ
अर्काे भन्थ्याे सर्वाेच्चलाई, तह लाउनु पर्छ ।
अपराधी कस्ले छाड्याे, बैंक कस्ले लुट्याे ?
सुरक्षाकाे जिम्मा लिने, सेना किन चुक्याे ?

सुशासनकाे माग राखी, जव युवा उठ्याे
लाेकतन्त्र नै ठाेकतन्त्रभाे, नाैजवानलाई भुट्याे ।
छद्मभेषी छुटे कति, ठग झेली कति ?
नेपालीकाे सान ढल्याे, भयाे ठुलाे क्षति ।

तीनपुस्ताकाे रगत र, पसिनाकाे सान
सिंहदरवार इतिहास हाे, मान या नमान ।
कस्काे नजर लाग्याे कुन्नि, लाैन काेही भन
सिंहदरवारसँगै ढल्याे, नेपालीकाे मन ।

जब जब देश उठ्छ, आफैँ खुट्टा टेकी
त्यसैवेला छिर्के लाउछन्, हाम्लाई हिजैदेखि ।
कहिले बुझ्लान् नेपालीले, कहिले खुल्ला आँखा ?
कहिले बुझ्ने घरतरुलले, दुई ढुङ्गाकाे भाका ?

०००
काठमाडाैं