नेपाली हास्यव्यङ्ग्य अनलाइन पत्रिका

सुशील रिजाल :

कति काल बिते अनि काल परे
परिवेश नयाँ तर जाल नयाँ
अब देश नयाँ मति भ्रान्त नयाँ
मति लिग्लिगको अबरोध नयाँ ।

रिस अग्नि फुकेपछि भस्म रह्यो
ममता समता पनि भ्रष्ट भयो
जब भौतिक नैतिक राज भयो
छि छि यान्त्रिक मानव लाज भयो ।

कलिकाल छलीसँग मस्त भयो
कविता सवितासँग त्रस्त भयो
हरुवा भँडुवा जति नायक छन्
दुनियाँ मुनियाँ सरी गायक छन् ।

सुनकै सरि पीतलको गुण भो
किन घाम वढेसरी शीतल भो
कुन डाक्टर हो कविराज भन
गर रोग निरोग निदान भन ।

कविको कविता किन शान्त हुने
दिन रात हुने अधिकार रुने
नर-मा-नव-मा नव दानव छान्
नर-वा-नरमा दुविधा अब छन् ॥

०००
काठमाडौं