नेपाली हास्यव्यङ्ग्य अनलाइन पत्रिका

रामदेव पाण्डे :

मेरा आफ्नाहरू अति खास छन्
मलाई हमेसा औधी माया गर्छन्
खास भएपछि आस त लागिहाल्छ
सुखमा साथ दुःखमा अलि पर सर्छन्
यतिसम्म माया गर्छन् मलाई तिनी
मेरो खुसीमा पनि धुरुधुरु गर्छन्
अलिकति थलिनु मात्र पर्छ म
हतार हतार कात्रो किन्न दगुर्छन् !
एम्बुलेन्स खोज्ने झन्झट गर्दैनन्
सिधै शव वाहनलाई फोन गर्छन्
मलाई भेट्नु अवस्था बुझ्नुअघि
फेसबुकमा श्रद्धाञ्जली पोस्ट गर्छन्
मेरा आफ्नाहरू अति खास छन्
मलाई हमेसा औधी माया गर्छन्
अलिकति थलिनु मात्र पर्छ म
हतार हतार कात्रो किन्न दगुर्छन् !

०००
काठमाडौँ