साइबर अपराध सम्बन्धी सचेतना सामग्री

भक्त काकाहरूको चुनावी प्रचार

सधैँ सत्य बोल्ने विभीषणको सातो फाल्नुपर्छ हामी प्रवृत्तिले रावणका पक्षधर र कौरवका रक्तविज हौँ अब हामी सर्वहाराहरू पूँजीपति बन्ने दिन आएको छ । यस पटकको जीत हाम्रै हुनेछ ।

Nepal Telecom ad

नदी भट्टराई :

काकाको भाषण यसरी सुरु हुन्छ –

आदरणीय आमादिदी तथा दाजुभाइहरू हो !
यस पटक भोट एस्मा…. हाल्नुपर्छ
चोकचोकमा हल्ला गर्नुपर्छ
भट्टीभट्टीमा भोगविलासको सल्लाह गर्नुपर्छ
मासुभात र दिनको भत्ता मात्र पाएपछि
खास देशको विराम देख्न सकिने एउटा चेस्मा’ हाल्नुपर्छ
यहाँ मेरा हातमा भएको कागजमा हेर्नोस्
दृष्टिकोण होइन ,अब दृष्य फेर्नोस्
आ ! मूल परिवर्तन गर्नोस्
आस्था र भरोसा तथा नैसर्गिक अधिकारको नाममा
अब ती वृद्ध बाआमाको के काम ?
आवश्यकता पर्यो भने युद्ध मैदानमा
एकै पटक सबै हाम फाल्न सक्नुपर्छ
बरु सामान ओसारपसार गर्न
हाम्रो लागि भारी पो कम हुन्छ कि !
अब यो पुराना अशोकवाटिका उखालेर मिल्काउनुपर्छ
बाँदर हुनुको कर्तव्य र गर्वबोध पूरा गर्नुपर्छ
हामी त नयाँ राम भन्दा नि दया – रामको भक्त हौँ
चाकडी , चाप्लुसीको चम्चा र पुच्छर भएकैले
आमा पनि बेच्न सकेका हौँ !

त्यसैले यस पटक
हामी भेँडा, गधा र हनुमान बन्न पाएकोमा गर्वबोध गर्नुपर्छ ।
ठाउँठाउँमा युवायुवतीहरूको गोष्ठी गर्नुपर्छ
र चोर्न , लुट्ट र व्यभिचार गर्न तालिम दिनुपर्छ
शिक्षकले विद्यालयमा राजनीतिक संगठन खोल्न
नदिएर नैतिक शिक्षा पढाइरहेको छ रे
उनीहरूलाई
जङ्गलबाट एक हुल मृत्युसम्मानको टोली आउँदैछन्
इच्छापत्रमा सही गरी रूखको फेदमा बसेर धैर्यधारण
गर्ने आग्रह गर्न नारद पठाउनुपर्छ ।

महोदय !
हाम्रा यादबहादुरहरूलाई थाहा हुनुपर्छ –
हामी यादव सेना / नारायणी सेना पो हौँ त ,
जाबो एक्लो कृष्णले के सहयोग देलान् र !
त्यसो त ती ,
वेद , पुराण ,वाइवल र त्रिपिटकहरू जलाउनुपर्छ
र आफ्नै दामराज्य कायम गर्नुपर्छ ।
हामीले नै स्थापना गरेको दलित,
आदिवासी र जनजाति साथीहरूलाई
आफ्नो छुट्टै पुर्ख्यौली खोज्न उक्साउनुपर्छ
गरिब, अशिक्षित, उत्पीडित र असहायहरूलाई
दारुको चिन्ता राखेर बकाउनुपर्छ
सोझो औँलाले घिउ आएन भने
ती सबै प्रतिपक्षीलाई लाहाको घरमा सिध्याउनुपर्छ
सधैँ सत्य बोल्ने विभीषणको सातो फाल्नुपर्छ
हामी प्रवृत्तिले रावणका पक्षधर र
कौरवका रक्तविज हौँ
अब हामी सर्वहाराहरू पूँजीपति बन्ने दिन आएको छ ।
यस पटकको जीत हाम्रै हुनेछ
हामीले हार्न जानेकै छैन
हारिहाले पुनः युद्ध मैदानमा जाने
आँट गरेको छैन ।

०००
इलाम

Subscribe
Notify of
guest

0 Comments
Oldest
Newest Most Voted
Nepal Telecom ad
छ बाँकी चिनारी र बाटो लजायो

छ बाँकी चिनारी र...

नदी भट्टराई
फुल्ने इरादा भए

फुल्ने इरादा भए

नदी भट्टराई
नेतृत्व

नेतृत्व

नदी भट्टराई
निर्धा मरे आखिर

निर्धा मरे आखिर

नदी भट्टराई
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
0
Would love your thoughts, please comment.x
()
x