नेपाली हास्यव्यङ्ग्य अनलाइन पत्रिका

हाेम सुवेदी :

केही हाड फ्याँक्नै पर्छ तब फकिन्छ
श्रमिकको गाना नगाई कहाँ सकिन्छ ??

बफे गरी डिनर खाई पाँच तारेमा
सकेसम्म श्रमिकका कुरा गरिन्छ

होस राखी काम गर्नू मेरा जसरी
माग्यो भने कनिका र बियाँ छरिन्छ ।।

सारै माग बढ्यो भने भोलि उसैको
काँधमाथि चढी चढी बेडा तरिन्छ ।।

हडताल गर्याै भने सूत्र लगाई
केही हड्डी फ्याँक्नु पर्छ दानी ठरिन्छ ।।

मन्साउनै पर्छ केही पैसा छरेर
मन्साएन भने फेरि कुरा खरिन्छ ।।

श्रमिकको मालिक म हुँ केको डर छ
उस्कै थाप्लोमाथि बसी घाँस चरिन्छ ।।

होस गर साथी भाइ बेला नबितोस्
बेला बित्यो भने हेर तल झरिन्छ ।।

०००
भद्रपुर, झापा