हरिप्रसाद उप्रेतीक्यालोरी
त्यसैमा रित्तिएको छ त्यो जार कति दियो होला क्यालोरी उपहार । घण्टा घण्टामा लाग्दो छ पिसाब प्रत्येक बसाइमा चिनीको हुन्छ हिसाव नखाँदा बिरामको बेहिसाव खायो कि शरीर हुन्छ सखाप ।
हरिप्रसाद उप्रेती :
क्यालोरी आफैँमा एउटा हाँस्यपात्र जस्तो
विम्ब बनेको छ अहिले हामी बीच
शरीर नै तातिनेगरी हँसाउने
शब्दोच्चारणले मात्र पनि हाँस्नपुग्ने ।
क्र्यानबेरी जुसको एउटा जार
त्यसमा निहित तत्व विवरण
त्यसको अंश र परिमाण
त्यसै भित्र छ क्यालोरी मापन ।
विसञ्चोको असैह्य अवस्था
एक रात मात्र हो समय त
त्यसैमा रित्तिएको छ त्यो जार
कति दियो होला क्यालोरी उपहार ।
घण्टा घण्टामा लाग्दो छ पिसाब
प्रत्येक बसाइमा चिनीको हुन्छ हिसाव
नखाँदा बिरामको बेहिसाव
खायो कि शरीर हुन्छ सखाप ।
ग्लास उठायो बिल्ला हेर्यो
मिलेनमिले पनि हिसाब हेर्यो
हाँस्यो बेस्सरी लामो सास फेर्यो
खान बस्दा क्यालोरीले घेर्यो !!
०००
काठमाडौं
Subscribe
Login
0 Comments
Oldest
