हरिप्रसाद उप्रेतीलाजनीति
जे जो गर्छन् तिनी भन्दैनन् भन्छन् जो जे तिनी गर्दैनन् ॥ विक्री गर्छन् जनको नाम बुझ्ने गर्छन् घुसको दाम ॥ यिन्को नाम भर अर्कैको ढाल्ने राख्ने खेल चर्कै भो ॥
हरिप्रसाद उप्रेती :
गर्छन् काम सबले एक
दिन्छन् नाम भिन्न अनेक ॥
सत्ता पुग्ने सपना एक
जन्ता हेर्ने छैन विवेक ॥
मिल्छन् सत्ता आउन जान
ढाँटी जनता बाँडी खान ॥
नाङ्गो छ देश भर् नै छैन
भोगिरहेछन् यिन्ले चैन॥
खोज्दै हिड्छन् तिनले ठाउँ
पाउने जे छ जम्मै खाउँ ॥
पालो गर्छन् आउने जाने
पाए ढुकुटी जम्मै खाने॥
दिनहुँ जस्तै बोली फेर्छन्
कमिसन् खाने ठाउँ हेर्छन् ॥
गर्नु त छैन एउटै काम
व्यर्थै बेच्छन् दिनहुँ नाम ॥
जे जो गर्छन् तिनी भन्दैनन्
भन्छन् जो जे तिनी गर्दैनन् ॥
विक्री गर्छन् जनको नाम
बुझ्ने गर्छन् घुसको दाम ॥
यिन्को नाम भर अर्कैको
ढाल्ने राख्ने खेल चर्कै भो ॥
०००
काठमाडौं
राम्रो व्यङ्ग्य