नेपाली हास्यव्यङ्ग्य अनलाइन पत्रिका

नारायण ज्ञवाली :

जुत्ता टलक्क टल्किएको छ मलाई मन परेन
दौरा सु्वाल सुकिला छन तर मलाई मन परेन
आईरन गरेको चिटिक्कको कोट छ मन परेन
सिरमा लगाएको भादगाउँले टोपि मलाई मन परेन ॥

शीतल निवासमा हुने जमघट मलाई मन परेन
व्यवहारमा नदेखिने सपथ पटक्कै मन परेन
एकै दिनमा विदाई र स्वागत झनै मन परेन
लात्तले हान्ने शब्द र उथुलपुथुल पनि मन परेन ।

कहिले हदै मित्रता कहिले तिक्तता मन परेन
बाेलिएका बाेली र व्यवहार सुन्दा मन परेन
अपवित्र र पवित्र शब्द पनि मलाई मन परेन
राजनीतिमा हुने धोका त ठ्याक्कै मन परेन ।

आखिर के मन पर्छ त ?
नेपालीको बलियो एकता मलाई मन पर्दथ्यो
शान्ति, सुशासन र विकास मलाई मन पर्दथ्यो
सामाजिक न्याय सहितको व्यवस्था मन पर्दथ्यो
धोका होइन मेल मिलाप मलाई मन पर्दथ्यो ॥

०००
लोकन्थली, भक्तपुर