नेपाली हास्यव्यङ्ग्य अनलाइन पत्रिका

नारायण ज्ञवाली :

गैँडाको छाला जस्तो घोच्दा नघोचिने
मनःस्थिति बिग्रे जस्तो सोच्दै नसोचिने
दुवै आँखा बन्द जस्तो देख्दै नदेखिने
मसि सक्या कलम जस्तो लेख्दै नलेखिने ॥

सरकारी सुख भोगमा रम्न मन हुने
भोज भतेर पाटी रसमा जम्न मन हुने
आर्थिक लाभ जुटाउनेलाई भेट्न मन हुने
जनतालाई आश्वासन मात्र दिए हुने ॥

जनताको कुरा गर्छु सरकारको मान्छे
देशको धन सम्पतिमा भएको छु भान्से
जता जता मन लाग्छ वजेट त्यतै दिन्छु
विचौलिया जम्मा पारी कमिसन लिन्छु ॥

लडेको हुँ पाटिलाई सहयोग गरेको हुँ
परिवर्तन गर्न भनि जेल परेको हुँ
चाहना छ जीवनभर सत्ता बस्न खोज्छु
स्वार्थ कतै नमिलेमा नयाँ पाटी रोज्छु ॥

०००
लोकन्थली, भक्तपुर