नेपाली हास्यव्यङ्ग्य अनलाइन पत्रिका

नारायण ज्ञवाली :

कोही असल कोहि खराव जस्तो पनि मान्छे
नियम कानुन शिक्षा दीक्षा सिकाउने मान्छे
नियम कानुन उल्लङ्घनमा रमाउने मान्छे
भ्रष्टाचार अत्याचार गर्न सक्ने मान्छे ॥

हत्या हिंसा बलत्कार गर्ने त्यै हो मान्छे
निर्दोषीलाई दोष लगाई फसाउने मान्छे
अपराधीलाई बचाउने छिपाउने मान्छे
कुकर्म र कुसंस्कारमा जोडिएको मान्छे ॥

साधु सन्त ज्ञानी ध्यानी सिपमूलक मान्छे
समाज सुधार वैज्ञानिक चिन्तक पनि मान्छे
जाँड रक्सी जुवा तासमा रमाउने मान्छे
आफैलाई नचिनेर आफै मर्ने मान्छे ॥

नराम्रा र राम्रा कुरा बोकी हिँड्ने मान्छे
कुलतको बानीलाई छुटाउने त्यै मान्छे
सभ्य शिष्ट न्यायमूर्ति जन्माउने मान्छे
गन्दा पनि नसकिने कति थरी मान्छे ॥

हामी कस्तो बन्ने होला हामी पनि मान्छे
असल कर्म सधैँ गरौ राम्रो बनौ मान्छे
सभ्य शिष्ट सुसंस्कारी सुन्दर बनौँ मान्छे
सिक्ने सधैँ ज्ञान लिने प्सासि बनौँ मान्छे ॥

०००
हाल बेलायत