साइबर अपराध सम्बन्धी सचेतना सामग्री

उब्रेको भाषण

मैले भाषणको तालमा ताली बजाउनु पर्छ, खुसी भएको अनुहार बनाउनु पर्छ । तपाईँको हौसला बुलन्द पार्ने जीवन्त अभिनय गर्नुपर्छ । कम्ता गारो छ, भाषण सुन्न ?”

Nepal Telecom ad

सञ्जय साह मित्र :

अस्ति भाषण गर्दागर्दै अलिकति उब्रियो । मान्छे त के चरो, मुसो केही पनि थिएन । सबै हिँडेपछि माइक पनि हिँड्यो मेरो बाइक छोडेर । माइक मात्रै भए पनि एक्लै डटेर मच्चिई मच्चिई थर्काएर गाउँलेको कान पाक्ने गरी भाषण खोक्थें ।

उब्रेको भाषण र मृतकलाई खुवाउन निकालिएको अन्न लिएर घर फर्किनु हुँदैन भन्ने मान्यता छ । कुनै अनिष्ट नहोस् भन्ने वैज्ञानिक सोचको मान्छे म । भाषण कतै नबिसाई कसरी घर फर्कूँ !

सुटबुट लाएको मान्छेले जहाँ पनि छाद्न पाउँछ रे । अर्थ न बर्थको भाषण ठोक्नु यही खोक्नु र छाद्नु हो । आएको छादलाई रोक्न सकिँदैन ।

चिनेको मान्छेकहाँ छिरें । “मेरो भाषण सुन्नु हुन्छ ? राम्रै ज्याला दिन्छु” मैले आग्रह गरें ।

“एक घन्टा भाषण सुनेको तीन दिन बराबरको ज्याला लिन्छु, त्यो पनि अधिकृतस्तरको” कडा रेट सुनायो उसले । “होइन, अलिकति मात्र भाषण छ, उब्रेको” मैले अलिकति नम्र स्वरमा सम्झाउने प्रयास गरें ।

व्यावसायिक प्रत्युत्तर आयो, “जुन जोगी आए पनि कानै चिरेका भने झैँ जुन नेताको भाषण उब्रियो, छन् मैकहाँ छिरेका । प्राक्टिस गर्नेको भाषण सुन्नको लागि मात्र हो अघि मैले भनेको मूल्य । उब्रेको भाषण सुन्ने रेट दोब्बर छ । तपाईँ चिनेजानेको जस्तो मान्छे, जम्मा पाँच दिनको ज्याला लिन्छु । मैले भाषणको तालमा ताली बजाउनु पर्छ, खुसी भएको अनुहार बनाउनु पर्छ । तपाईँको हौसला बुलन्द पार्ने जीवन्त अभिनय गर्नुपर्छ । कम्ता गारो छ, भाषण सुन्न ?”

उसले पहिले पैसा लियो अनि उब्रेको भाषण मज्जाले सुन्यो । धेरै पैसा तिरेको पीडा र धेरै राम्रोसित भाषण गरेको आनन्द एकसाथ भरियो ममा । बाँकी सबै रित्तियो । भाषण रित्तिएपछि औडाहा शान्त भएजस्तो गज्जबको सन्तोष पाइँदो रहेछ मनमा ।

बाहिर निस्कें र घरमा झुन्ड्याइएको बोर्ड हेरें जसमा पहिले नजर परेको थिएन – यहाँ सस्तोमा भाषण सुनिन्छ ।

०००
रौतहट

Subscribe
Notify of
guest

0 Comments
Oldest
Newest Most Voted
Nepal Telecom ad
अवैध कुखुराको चल्ला

अवैध कुखुराको चल्ला

सञ्जय साह मित्र
पागलको पनि पापी पेट हुन्छ

पागलको पनि पापी पेट...

सञ्जय साह मित्र
परिधानको भद्र आन्दोलन

परिधानको भद्र आन्दोलन

सञ्जय साह मित्र
दुइमुखे म

दुइमुखे म

सञ्जय साह मित्र
हात्ती पाटी

हात्ती पाटी

सञ्जय साह मित्र
नागरिकता

नागरिकता

सञ्जय साह मित्र
0
Would love your thoughts, please comment.x
()
x