नेपाली हास्यव्यङ्ग्य अनलाइन पत्रिका

महादीप पोखरेल :

बुढी आमैको ढाड दुख्छ
हुन्छ सधैँ कर – कर
घरमा आम्दानी थोरै भएर
सबैले गर्छन् कर-कर
चुनावका बेला नेता गर्छन्
भोट दिन कर – कर
सरकार सधैँ बढाउँछ
हरेक क्षेत्रमा कर
यति धेरै नेता पाल्न
तिर्नै पर्ने कर
बाख्रामा कर, कुखुरामा कर
चियामा कर, चटपटमा कर
बाइकमा कर, साइकलमा कर
हैन के के मा तिर्ने हो कर
श्वास फेरेको र घाम तापेको पनि
तिर्न पर्ने हो कि कर
जनता असाध्य पीडामा
लाग्दैछ बाँच्नलाई कर
स्वास्थ्य, शिक्षा जिम्मा लिने कुरामा
सरकारलाई चाहिँ नलाग्ने कर !!!

०००
गोदावरी, काठमाडौं