नेपाली हास्यव्यङ्ग्य अनलाइन पत्रिका

जगदीश्वर पाेखरेल :

नेपालको इज्जत सान खस्क्यो
सुन्दा नराम्रो मुटु चस्स चस्क्यो
नेपाल वासी दिनरात खट्छन्
टाटे र पाङ्ग्रे मनमोज गर्छन् ।।१

जोतेर धर्ती फल अन्न पाक्छ
कुर्लेर मैना फल खान डाक्छ
मुग्लान भोका कति कष्ट भर्छन्
टाटे र पाङ्ग्रे मनमोज गर्छन् ।।२

बारी सपारे भरपेट हुन्छ
भोको छ बालो दिनरात रुन्छ
बोकेर भारी गिरि शैल चढ्छन्
टाटे र पाङ्ग्रे मनमोज गर्छन् ।।३

गोडा फुटेछन् रगताम्य मार्ग
नेपाल बाँचे नव बन्छ स्वर्ग
डोका र नाम्ला कति दूर चर्छन्
टाटे र पाङ्ग्रे मनमोज गर्छन् ।।४

उत्साह भर्ने किन हुन्न जाती
भोकै छ जोत्ने ठग टन्न राति
निर्धाहरूको धन सम्म हर्छन्
टाटे र पाङ्ग्रे मनमोज गर्छन् ।।५

०००
पाउँदी, लमजुङ हाल: काठमाडाैं