नेपाली हास्यव्यङ्ग्य अनलाइन पत्रिका

खगेन्द्र नेउपाने :

अवसर यै हाे ।
अन्तर कुन्तरमा लुकेका फाेटाहरु निकालाैं
सबैले देख्नेगरीकाे वालमा हालाैं
म यता किचनतिरकाे
म उता साेफानिरकाे
आफूलाई उहाँ नजिक पार्नेगरी नियालाैँ
प्रशस्तीमा अनेकानेक शब्दहरू लेखाैँ
भक्तिकाेशका प्रविष्टिहरूले छेकाैँ
अस्ति पूरा नभएका मनाेकाङ्क्षा पूरा गराैँ
मुखभरी आशावरीले भराैँ ।

मन परेन ?
उसाे भा मनग्गे गाली छराैँ
फाेहाेरी फाेहाेरी दृश्यहरू इडिट गराैँ
थुक्क ! थुक फालाैँ
धेरै दिन कुण्ठिएकाे अमिलाे डकारले
मुखभरी ढ्याउ भराैँ ।

एक पटक भाेट खसालेकाे चार्जमा
पटरीवाल बाइस्काेप देखाइरहेछ
हाउडाके पुल देखाे
कुतुवमिनार देखाे
आग्राके ताजमहल देखाे
….देखाे
….देखाे
….फाइल देखाे
हमारा स्टाइल देखाे ।

०००
गाैरादह, झापा