नेपाली हास्यव्यङ्ग्य अनलाइन पत्रिका

हरिप्रसाद उप्रेती :

नेता कहिन्छु पदमै रहन्छु
कुर्सी छ प्यारो त्यसमै रहन्छु

युवा थिएँ म जहिल्यै युवा छु
म भिन्नै बनेर अजरै हुँदैछु

पहिले लुरे थेँ भरिलो हुँदैछु
चुनाव जित्न दरिलो हुँदैछु

ध्यानै छ मेरो विदेशी प्रभुमा
बक्साई हिड्छु उनकै हजुर्मा

विदेशमा नै उपचार गर्छु
पारेर रित्तो ढुकुटी ओसार्छु

लोकैप्रिय छु बनेको छु प्यारो
दाशै र लम्पट् बनेका कमारो

सत्ता सबैको सुखको मुहान
छिनाझपट् छ साँझै बिहान ॥

०००
काठमाडौं