नेपाली हास्यव्यङ्ग्य अनलाइन पत्रिका

ईश्वर पोखरेल :

मान्छेहरू सिमल तालको बस दुर्घटनामा पनि परे ।
मान्छेहरू एयरपोर्टमा सौर्य एयरको दुर्घटनामा पनि परे ।
सिमल तालको दुर्घटनामा ६२ जना परे ।
सौर्य एयरको दुर्घटनामा १८ जना परे ।
सिमल तालको दुर्घटनामा राज्यबाट
औपचारिक स्तरमा त्यस्तो केही भएन ।
सौर्य एयरको दुर्घटनाको भोलिपल्ट सरकारले शोक मान्यो
र राष्ट्रिय झन्डा झुकायो ।
राज्य दुर्घटनामा पनि क्षतीको परिमाण होइन, वर्ग हेर्छ ।
राज्य लासलाई पनि वर्गका आधारमा परिभाषित गर्छ ।
ओ राज्य ! सबै नागरिक समान छन् भन्ने कुरा
उही भोटको समयमा मात्र लागू हुन्छ ?

०००
बाेजेपोखरी, ललितपुर