नेपाली हास्यव्यङ्ग्य अनलाइन पत्रिका

गोपालप्रसाद दाहाल :

सब छोड्छु म आजीवन अपराधी शासन नौतन गर्छु यहाँ
सब सज्जन मार्ने भयमय गुण्डा प्रेम म गर्छु कला छ त्यहाँ
म दिनेछु विदेशी सब जनलाई काम धपाइ युवाहरु ती
म नदी सब बेच्ने बगर किनारा बालु सबै छ यहाँ सुन यी ॥१

हुँ म वीर विदेशी सबजन पोस्ने गर्दछु हिंस्रक खेल सदा
हुँ कुशासनको पिल्लर बलियो लौ पीर नमान्नु तिमी म हुँदा
प्रभु ठान मलाई बन अनुरागी लोचन चिम्लन झट्ट सबै
न छ मोह मलाई सब दुनियाँको गर्दछु राज अराजक भै ॥२

अब शून्य बनाई तुरुङ सबैका मानव छोड्छु म शक्ति हुँदा
पछि लाग्छ भने त्यो दिनु सब माफी भक्त सधैँ हुन जान्छ उता
छुट भो उसलाई घर ढुकुटी नै भ्रष्ट बने बढुवा छ सधैँ
अपमान इमानी जनहरु भिर्ने आज रुँदैछ त देश सबै ॥३

म त मान्दिन है कानुन सब तिम्रा जङ्गबहादुर बन्छु अब
न छ इज्जत मेरो अमर पुरीमा बेच्छु मधेश म देश सब
छुट पत्र दिएँ नागरिक हुने ती भारतका सब मित्र रहे
म त सिंह भएको बन नभए झट्टै विष सेवनमा म गएँ ॥४

०००
दमक ५, झापा