गाेपालप्रसाद दाहालछतमाथि बाढी चढ्दा
भोटका लागि गरिबलाई नदी छेउमा बसाई बाँध बनाऊ दरिद्रको लगोस् बाढी आई बगाई कङ्गाल पारी राख्यौ भने सधैँ तिम्रो गर्लान् पूजा मरिरहुन् मान्छेहरु पाउँछौ तिमी मीठो भूजा ॥
गोपालप्रसाद दाहाल :
बाढी पैह्रो वर्षादले बगाएर गायो मीठो गीत
धन दौलत अन्न घर बगे मेरा यही दशैँसित
बाटो बग्यो गाडी घोडा गाईवस्तु सबै मेरा बगे
पीर छैन मलाई आज मैले कमाएको सबै लगे ।
हेर सरकार सहयोग नदेऊ सक्षम आफैं बन्छु
तिमी घुम विदेशमा नदीनाला म आफैं थुन्छु
नक्शा पास गरिदेऊ बगरको राजस्वमा बेची
छतमाथि बाढी चढ्दा गाली दिनु करौंतीले रेटी ।
भोटका लागि गरिबलाई नदी छेउमा बसाई
बाँध बनाऊ दरिद्रको लगोस् बाढी आई बगाई
कङ्गाल पारी राख्यौ भने सधैँ तिम्रो गर्लान् पूजा
मरिरहुन् मान्छेहरु पाउँछौ तिमी मीठो भूजा ॥
आई रहोस् बाढी पैह्रो भूकम्पको त्यो चाल
मर्दा मान्छे देशमा धेरै तिमी कमाउछौ माल
लुट्न लगाऊ साथीलाई पछि थाप्दै हिँड दान
विरोध गर्ने सबैलाई झुठामुद्दा लगाउँदै तान ।
०००
दमक-५, झापा
Subscribe
Login
0 Comments
Oldest
