नेपाली हास्यव्यङ्ग्य अनलाइन पत्रिका

गोपालप्रसाद दाहाल :

उनकै सुनियो मिठासमा
सपना नौतन जाल पासमा
फँसिएछ रुँदैछु प्रातःमा
न दया भो सुनसान रातमा ॥१

उनले नसुने हतासमा
कसले हेर्दछ दुः ख त्रासमा
चिनियो किनियो नि भोटमा
पशु जस्तो किनबेच नोटमा ॥२

न गने मगने बुझे यहाँ
भिखझैं राहत सम्झियो त्यहाँ
नदिने सुविधा कठोर लौ
वनमान्छे घरमा बसेछ हौ ॥३

हरियो अधिकार त्रासमा
ठगिए मानिस आज खासमा
रुपियाँ बटुली धनी हुने
रुपको मानव दानवी बने ॥४

०००
दमक, झापा