डा. लोकेन्द्रप्रसाद पौड्यालबेलिबिस्तार
बल्लतल्ल ऋणले किन्ने ति सम्पत्ति तर किनहोला धक्कु ठुलो छिमेक वरपर ? किन्नेलाई उधारोको दशकौंको बोझ ऋण तिर्ने दुखजेलो बिच के को मोज ?
डा. लोकेन्द्र पौड्याल :
तेल भिस्साको भ्रमण सकी
विदेशबाट आका
कथा हाल्न सिपालु छन्
हाम्रा साईला काका ।
गर्व गर्छन मेरो छोरो
चढ्छ राम्रो कार
छोरीले नि जागिर खाछे
भाछे जिम्मेवार ।
ज्वाइँसाहेब परिश्रमी
किनिसके घर
छोरो पनि खोजिराछ
किन्न वरपर ।
कोहि भेट हुुनै हुुन्न
बेलिबिस्तार पूरा
सुुन्नेलाई वाक्क लाग्ने
सधैँ यौटै कुरा ।
बल्लतल्ल ऋणले किन्ने
ती सम्पत्ति तर
किनहोला धक्कु ठुलो
छिमेक वरपर ?
किन्नेलाई उधारोको
दशकौंको बोझ
ऋण तिर्ने दुखजेलो
बिच केको मोज ?
घरको बारि बाँझो राख्दा
पनि काका दङ्ग
विदेश आश्रित उनको खुसी
अचम्म प्रसङ्ग ॥
०००
काठमाडौं
गज्जब! गज्जब!