नेपाली हास्यव्यङ्ग्य अनलाइन पत्रिका

सुभाषचन्द्र देवकाेटा :

उहिले बाजेका पालामा
पैसा गन्थे डालामा ।
अहिले हाम्रा पालामा
सुन बोक्छन् बोरामा ।

उहिले हजुरआमाको पालामा
पैसा राख्थिन् थैलीमा ।
अहिले हाम्रो पालामा
पैसा राख्छन् स्वीस बैंकमा ।

उहिले माइज्यूको पालामा
कोसेली ल्याउथिन् सोलीमा ।
अहिले हाम्रो पालोमा
कोसेली आउँछ कमिसनमा ।

उहिले आमाको पालामा
मामा चड्थे घोडामा ।
अहिले हाम्रो पालामा
दाजु उड्छन् खाडीमा ।

उहिले बाजेका पालामा
नेता बस्थे सरकारमा।
अहिले हाम्रो पालामा
ठग बस्छन् सरकारमा ।

उहिले हजुरबाको पालामा
देशभक्त लड्थे सीमामा ।
अहिले हाम्रो पालामा
देशघाती लड्छन् संसदमा ।

उहिले बाजेको पालामा
इमानी बस्थे सरकारमा
अहिले हाम्रो पालामा
बेमानी बस्छन् सरकारमा ।

०००
गाेरखा