नेपाली हास्यव्यङ्ग्य अनलाइन पत्रिका

रामदेव पाण्डे :

आऊ कर्मचारी भाइबहिनी आऊ
छिटो छिटो गोदामतिर जाऊ
किरा लागेका मिति सक्किएका
ढुसी लागेका, मक्किएका
खाद्य अखाद्य सामानका
पुराना प्याकेट, बन्डल र बोरा लुकाउ
हिजो अस्ति ल्याएका पोका फुकाउ
बिग्रिएकाजति पछाडि थन्क्याउ
नयाँ ताजा अगाडि ल्याऊ
चाड पर्व नजिकिँदै छ
अनुगमनको मञ्चन हुँदैछ
हाललाई समस्या टारौँला
पछि जस्ताको तस्तै पारौँला
अनुगमन टोली गएपछि
हल्ला अलि शान्त भएपछि
आऊ आऊ छिटो आऊ
पुराना प्याकेट बन्डल र बोरा लुकाऊ
हिजो अस्ति ल्याएका पोका फुकाऊ
आऊ जाऊ छिटो जाऊ
पुराना लुकाऊ नयाँ फुकाऊ !

०००
काठमाडौं