प्रशान्त खरेलचम्चाहरूदेखि सावधान
हाँस्छन् हँसाउँछन् लुकाएर क्लेस हृदयमा बोल्छन् झुटो सधैँ, हुन्न शब्दमा तटस्थता जसले तेस्रो आँखाले देख्छन् सत्यका रङ्ग, दिन्नन् चम्चाहरू सँगत गर्न, उनीहरूसँग ।
प्रशान्त खरेल :
चम्चा सधैँ किन प्राय अति राम्रा नै देखिन्छन्
चम्चा मात्र हो गमक्क परेरै भाँडामा बस्छन्
चम्चा भाँडामा नराख भनौँ भाँडा रित्तो हुन्छन्
चम्चा राखे त्यसमा तब भाँडा नै रित्तो बन्छन् ।
चम्चा नै हो गुनगुन, गरी हाँस्ने हँसाउने
कुल्चिदै ति सत्य भुवनका पातालै पठाउने
तिम्रै बुद्धि ज्ञान ति सब भन्दा ठुलो देखिन्छ नि
भन्दै पार्ने भ्रम सत्य र ईमान् धुलो देखिन्छ नि ।
हाँस्छन् हँसाउँछन् लुकाएर क्लेस हृदयमा
बोल्छन् झुटो सधैँ, हुन्न शब्दमा तटस्थता
जसले तेस्रो आँखाले देख्छन् सत्यका रङ्ग,
दिन्नन् चम्चाहरू सँगत गर्न, उनीहरूसँग ।
सावधान रहनु सधैँ, अतिनै होशियार हुनु साथी
सत्य पचाउने सामर्थ्य हराए पछि हुँदैन है उन्नती
गौरवका साथ भनौँ मसँग आफ्नै हात छ काफी
चाहिन्न कुनै प्लेटमा सजाएर राखेको सेतो हात्ती ।
०००
जावलाखेल, ललितपुर
२०८१।०६।०७
गज्जब लाग्दो रहेछ – चम्चा महात्मेय
झन्झन् उक्लँदो रहोस् – खादा पुराणे …