सुभाषचन्द्र देवकाेटाशहर पसेका जुकाहरू
सलह जस्तै शहर पसेका जुकाहरू न्यायालय छिरेर संविधान चुस्छन् सुशासन र न्याय चुस्छन् जनताको सपना चुस्छन् । देशको मुटु चुस्छन् ।
सुभाषचन्द्र देवकोटा :
जुकाहरू
शहर पसेका छन् ।
शहर पसेपछि जुकाहरू
रगतको सट्टा पहेला सुन चुस्छन् ।
सरकारी जमिनहरू चुस्छन् ।
सहकारी चुस्छन् ।
शहर पसेका जुकाहरू,
दयाँबयाँ केहि देख्दैनन्,
विकास देख्छन् र विकास चुस्छन् ।
सरकारी अनुदान चुस्छन् ।
सलह जस्तै शहर पसेका जुकाहरू
न्यायालय छिरेर संविधान चुस्छन्
सुशासन र न्याय चुस्छन्
जनताको सपना चुस्छन् ।
देशको मुटु चुस्छन् ।
विडम्बना,
जुकाहरू शहर पसेपछि
जुकाहरू मोटाए, बलिया भए
तर देश दुब्लायो
देश कङ्गाल बन्यो ।
०००
गोरखा, हाल काठमाडौं
Subscribe
Login
0 Comments
Oldest
